Ipangtambug sa Kalayo ang Tanang Politiko

Dili ang pag-usab sa bwesit nga batakang balaod ang pagsulbar niining atong walay pulos nga kahimtang sa pagpang-goberno.

Kinahanglan usbon gayud or oberhulon ang kinatibuk-ang dautan nga kahimtang nga migamot na gayud dinhi sa atong nasud; gipugas kini sa dautang relihiyon sa tanan niyang colonya ug unya nahimo na kining tanlag sa matag huna-huna sa tawo.

Sa akong yanong tinugkaran, kini maoy sulosyon niining tanan:

1. Hugasan ta gayud kini’g putli nga luha ug dugo aron mapaksit ang lawn na kaayong mansa ning atong nasud; kung kinahanglanon ang guera – then let there be war for the welfare of the next generation.

2. Pangdauban or ipatagud-tagud gayud kining tanan natong mga politiko karon aron sa pagwagtang sa mga luta sa ilang kinakhaan nga maoy gipanaminan kanunay sa mga nagsunod nga mga politiko. Kinahanglan wad-on gayud sila gumikan kay sila maoy nagpabug-at sa mga bato sa kalisdanan nga gipas-an niining atong nasud.

3. Kinahanglan nga ang mandumala pinili sa “Civil Service Commission” nga ipaagi ka katigulangon, kalantip, katarung, ug kahusay sa pandumala. Kinahanglan nga ang mandumala putlan gayud dayon sa li-ug kung ang iya lamang kaugalingon maoy iyang gipadato ug giserbersyohan.

4. Lumpagon ang mga relihiyon nga maoy nakapabwesit sa katilingban; sa relihiyon  mahimugso ang makabungog nga korapsyon nga maoy gipanig-ingnan sa mga politiko.

5. Hatagan og kabilinggan ang tanang tawo sa “Civil Service Commission” nga maoy anaay gahum sa “environmental agencies”, “agrarian”, “agriculture”, ug uban pa.

6. Ang merkado kinahanglan dad-on kini sa “Social Welfare” aron sa pagkumpra unya sa mga naghinubra nga “goods for distribution to the weak, sickly, disabled, incapable of earnings, etc”.

7. Walay pinili-ay sa mga mangulo. Dili kinahanglanon ang daghang magbabalaod. Sa pagsugod, kinahanglan lamang ang balaod nga Comon nga ilatid sa dakung bungbong sa mga balay hugponganan.

8. Wad-on ang mga curso nga mga walay pulos. Wad-on ang mga tunghaan nga mga walay tunhay nga laraw sa katilingban.

9. Ang banay maoy himoong unang hukmanan, ug uban pang mga tulokion. Putlan sa kamot ang magpakilimos, kamot himoong mapuslanon ug dili aron pagpabug-at sa kalisdanan. Ang prisohan alang sa mga gagmayng salaod lamang, diha-diha nga kamatayon alang sa sad-an sa dagkung salaud.

10. Ang pagprotesta kinahanglan adto sa “Protest Commission” ihampak aron sila maoy mo-aksyon niini.

[to be continued]

Lisud ba gayud ang pasulit sa Corte Suprema nga mao ang “Bar Exam”?

DILI TINUOD nga lisud kining pasulit nga gitawag og “Bar Exam”. Dili lamang matugkad ang mga kabuang sa mga mohimo ug mokorek niini.

Duha lamang ka posibilidad nga matubag ninyo ang tanang kaso sa pangutana diha sa pasulit. Gitagaan pa gayud kamo sa lugway sa pagpasabut niini sa inyong kaugalingon katarungan.

Mas lisud pa niini ang ubang pasulit kay dunay daghan kaayong tubag nga kapilian.

Ang lisud sa “bar exam” dili ang pasulit mismo kundili ang nalisu nga pangisip sa mo-check niini. Mao lamang kini ang propesyon diin naghan-ok ang mga yabag gumikan sa katarungan kay kining cursoha maoy gihimong taming sa ilang inseguridad sa kinabuhi.

Ang mga mahistrado sa corte suprema magpaka-aron-ingnon usab nga hilabihan gayud ka lisud sa ilang pasulit aron kunohay ingnon nga pirting ka espesyal niining propesyona nga wala gyud intawn uyamot kapuslanan sa tawhanong sibilisasyon.

Mabuhi ra ang tawo nga walay abogado, masabut ra sa tawo ang balaod bisag way abogado, makabuhat ra ang tawo og mga maayong balaod bisag way abogado. Ug labaw sa tanan, ang pagpanghukom sa sitwasyon mamahimong mahimo sa tin-aw ug way kabudlay bisag dili abogado ang mobuhat niini.