Ang PBB: Pagbansay-bansay sa Pagminaut

Niana na usab ang hilabihan ka walay pulos nga salida sa telebisyon, kini mao ang PINOY BIG BROTHER or ang nabaniug nga PBB sa ABS-CBN.

Dinhi makita ang magpaka-dios-dios nga amo sa ilang pinuy-anan nga ilang gitawag og “Kuya”. Kini siya dili makita apan nakakita sa tanang lihok sulod sa pinuy-anan. Maghimo kini siyag mga tulomanon nga bisan ang bayot nga “kuya” dili makabuhat.

Ang panimuyo sulod sa balay ni “kuya” usa ka pagpakita sa tanang tigtan-aw sa telebesyon nga kuno sila mga tarung nga mga binuhat. Wala silay mahimo apan sa pagpugong sa ilang tinuoray nga kaugalingon ubos sa kasayuran nga GITAN-AW SILA SA DAGHANG KATAWHAN pinaagi sa gipang-instalar nga kamera matag su-ok.

Ang ilang gipakita sulod sa balay ni “kuya” usa lamang ka pagpakaaron-ingnon aron ang molahutay maoy makadawat sa DAKUNG GANTI sa kaulahi-an.

Ang paglahutay sulod sa balay ni “kuya” usa ka pangutana kung asa taman or unsa katas-a ang iyang pagpaka-aron-ingnon sa maong salida, ang dili magpakaaron-ingnon maoy hinginlan dayon sa nagpakamatarung-matarung nga “kuya”.

Ang mga tagbalay or housemates igo lamang mo tuman or mohimo sa gila-uman sa katawhang nagtan-aw [expectation-based performance]. Sila mohilak, mosayaw, mokanta, og dili mo-rebenke ni “kuya”  kay kini maoy lauman nga mahitabo nga ilang buhaton ubos  sa mga mata sa magtatan-aw.

Sulod sa balay ni “kuya”, si “kuya” maoy pinakahalangdon nga dios, tang-tangon ang tagbalay nga mangutana or mogamit sa iyang kaisipan, sulod sa balay ni “kuya” WALA SILAY GITAWAG NGA ILANG KAUGALINGON gumikan kay kun magkinaugalingon ikaw sa pagbuhat sa angay nga buhaton siya nga tagbalay matang-tang gayud sa walay pagduha-duha.

Sa walay pagduha-duha, ang giingong balay ni “kuya” maoy tunghaan sa mga MAUT diin didto nagkat-on sila sa pagbuhat sa mga butang sigun sa pagpatuo. Ang balay ni “kuya” MAOY PAGBANSAY-BANSAY SA PAGMINAUT.

Si Padre MA-UT nga pirting MANAPI, padung na sa Balamban

Adunay huhungi-hung nga ang pinaka-banggi-itang manapi sa tanang pari sa Sugbo nga mao si Fr. Raul Gallego, adto nasad mangilkil sa parokya sa Balamban.

Sa mahinumduman, kining pari-a mao ang pinakama-ut nga pari dinhi sa Sugbo gumikan sa iyang pagpaka-aron-ingnon nga matarung. Siya adunay mga anak dinhi sa Sugbo nga nagtungha na sa taas nga pagtuon. Naila usab siyang batid sa pagpangguba sa mga simbahan nga iyang malingkuran, tuyo-on niya kini paguba aron nga ang mga parokyano mapugos sa pagpadahili sa ilang salapi.

Kining walay uwaw nga pari, nga nagpaka-aron-ingnon nga nag-alagad sa dios, tuyo nga mogun-ob sa simbahan aron kini maoy himoong “hostage” sa iyang panapi. Pwera nalang ni Padre Paking, nga bisag ma-ut usab, apan midumili naman pagpadayon sa iyang pagkapari.

Apan kini si Fr. Raul Gallego, DILI MAULAW MAGPANGAYO sa katawhan og manggamit pa sa mga halangdong mga taw sa katilingban alang sa iyang mga yawan-ong pagpanapi.

Kung dili ni siya manapi pag-ayo, wala na siyay ipusta alang sa iyang dinagkong sugal nga mahjong diin mapildi siya usahay niinig sobra sa 100,000 ka pesos. Dagko usab siyag pinustahan sa boxing ni Pacman. Gawas nga nagsustinto siya sa iyang ubang mga anak, milingkod usab siya sa Toledo City Water District sa Dakbayan sa Toledo isip tigdumala niini gumikan kay dili maigo ang kita-on sa pagkapari alang sa iyang makalilisang nga kapritso og mga kinuanggol.

Diha sa Toledo naghan-ok ang mga pari nga gwatsinanggo, dihang dapita ang mga pari gustong mangalagad sa gobyerno alang sa politikanhong katuyo-an.

Karon nga ibalhin na kining ma-ut nga pari gikan sa Toledo, adunay mga huhungi-hung nga kini adto sunod mangalagad sa parokya sa Balamban.

Busa mga taga-Balamban, PAGBANTAY KAMO NIANANG INATAY NGA PARI NGA MAGPATUO GAYUD NGA BALAAN; PADUNG NASAD NIYANG GUB-ON ANG INYONG SIMBAHAN ALANG SA IYANG MAKALILISANG NGA KAHIGWA-OS SA SALAPI.

Pagbantay usab kamong mga babae diha sa Balamban kay si Padre aduna usay grabing kaulag nga kanunay mosuol, ang iyang gana dili magpili og gilay-on kay naa may iyang nindot ug luhong sakyanan nga kinitaan sa pinangayong salapi sa katawhan.

PAGBANTAY LANG KAMO KANIYA.

GIPANAPI ANG MGA PATAY

GIPANAPI ANG MGA PATAY

 

 

Sa kadaghang limbungan sa kalibutan, ang relihiyon dili na hilabwan. Tiaw ba gud nga lakip ang mga dugay nang nangamatay gipanghimo gihapong gatasan sa pagpanapi ug puhonan alang sa inadlaw-adlaw nga pamisa.

 

Ang pamisa mamahimo nga ordinaryo or espesyal sigun sa ikabayad sa mga tagtungod. Ang pamilya sa namatay kinahanglan usab nga mobayad kung sila mohinumdum sa ilang namatay nga kabanay pinaagi sa pamisa. PABAYRAN diay gihapon ang paghinumdum? Mobayad usab ang kabanay kung e-anunsyo ang mga pangalan sa mga nangamatay; UNSA may gibayran, ang pag-anunsyo or ang garbo nga gisibya ang mga pangalan?

 

Hilabihan gayud ang pagpangilad ug pagpanapi sa relihiyon. Gikan sa pagkamatay sa sakop sa relihiyon, ang banay sugdan dayon sa relihiyon pagpaningil sa mga alkabala, pamisa, pangadye, ug uban pang pangilkil. Aduna pa’y kwarenta-dias, kalag-kalag, hubkas, ug uban pa nga kapanapi-an sa relihiyon. Kini balik-balikon pa gayud sa matag tuig.

 

Abi ko ba’g ang kamatayon maoy tumoy sa tanang gastuhan? Dili man diay, gani, ang kamatayon mao diay hinoo’y sinugdanan sa walay katapusang pagpanapi sa atong relihiyon, sa atong mananabtan, ug mga pari.